Назым Қызайбай бокстан кіші әлем чемпионатында алғашқы алтынды ұтты
Екі дүркін әлем чемпионы Назым Қызайбай Болгарияда өткен "Кубок Странджа-2022” халықаралық турнирінің жеңімпазы атанды, деп хабарлайды Stan.kz ақпарат агенттігі.
Сенбі, 26 ақпан күні Назым Қызайбай 50 келіге дейінгі салмақ дәрежесінде алжирлік Роумаиса Боуалемге қарсы шықты. Қазақстандық спортшы үш раундтың қорытындысы бойынша төрешілердің бірауыздан қабылдаған шешімімен жеңіске жетіп, үшінші раундта қарсыласын нокдаунға түсірді.
Кіші әлем чемпионаты атанған бұл додада Қызайбайдың алтыны Қазақстан үшін бірінші жүлде болды. Бұл турнирде Қазақстан құрамасы үш күміс медаль жеңіп алды, олардың иегерлері Дина Жоламан (54 келіге дейінгі салмақ дәрежесі), Ләззат Күнгейбаева (81 келіден жоғары) және Дамир Әбдіқадір (51 келіге дейін).
Жексенбі, 27 ақпан күні қазақстандықтар “Странджа кубогі-2022” турнирінің тағы бірнеше финалдық ойынына қатысады.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды