Мысырда пойыз апатынан қаза болғандардың мәйітін көрген шенеуніктің жүрегі тоқтап қалды
Мысыр көлік министрінің кеңесшісі Мұстафа Сейид Александрияға жақын маңда пойыздар соқтығысқан алаңды тексеру барысында көз жұмды.
Бұл туралы РИА Новости хабарлады.
Министрліктегілердің айтуынша, мерт болғандардың мәйітін тексеру процессіне шыдамаған шенеунік аяқ астынан құлап, сол сәтте көз жұмған.
Айта кетейік, жұма күні Каир — Александрия бағытында шыққан пойыз тоқтап тұрған Порт-Саид — Александрия пойызына соқтығысқан. Теміржол апатынан қаза болғандар саны 42-ге жеткен, 170-тен аса адам зардап шеккен. . Число жертв железнодорожной катастрофы достигло 42, свыше 170 человек пострадали. Кей деректерге сәйкес, апатқа семафорды реттеуші қызметкердің ағаттығы себеп болған.
Қазақстан президенті Нұрсұлтан Назарбаев болған жағдайға байланысты Мысыр басшысына көңіл айту хатын жолдады.
Жіберіп алмаңыз:
Полицейлер орамалын шешкізген мұсылман әйелге 85 мың доллар өтемақы төлейтін болды
Қытайда көлік апатынан 36 адам қаза болды