"22 тамыздағы жағдай бойынша мұнай базаларындағы және жолдағы АИ-92 маркалы бензиннің жалпы қоры 180 мың тоннаны құрап, 14 күндік қажеттілікті өтеп отыр. Ал дизельдік отын қоры 220,8 мың тоннаны құрайды, бұл 13 күнге жетеді", - деді Ақшолақов сейсенбі күнгі үкімет отырысында.

Оның айтуынша, мұнай өңдеу зауыттарындағы қор бойынша АИ-92 бензині 71 мың тонна, дизельдік отын 53,4 мың тоннаны құрайды.

"АИ-92 бензині бойынша жағдай тұрақты, магистральдық жанармай құю станцияларының желілерінде шектеу жоқ. Сонымен қоса дизельдік отынды сатуға шектеу қойылды", - деді министр.

Ол 22 тамызда "Мұнай өнімдерін бөлшек саудада өткізуге шекті бағаларды белгілеу туралы" бұйрықтың жаңа редакциясы қабылданып, күшіне енгенін атап өтті.

Павлодар облысында жанармайды Өзбекстанға заңсыз шығармақ болғандар ұсталды

4 миллиард теңге шығын келген: Қазақстанда мұнай өнімдерінің заңсыз айналымына қатысты 35 қылмыстық іс қозғалды

"Бұйрық бойынша бағалар сараланады. Жүргізуші куәлігі болғандай жағдайда тәуліктік лимит Т230-260 литріне қазіргі бағамен 100 литр дизельдік отын болса, жүргізуші куәлігі мен тіркеу куәлігі бар жүк көліктері үшін тәуліктік лимит 300 литр болады. Қалған адамдар үшін сондай-ақ көрсетілген көлемдерден жоғары дизельдік отын 450 теңгемен сатылады", - деп түсіндірді Ақшолақов.

Еске салайық, бұған дейін энергетика министрлігінің Қазақстанда жанармай мен дизель отынына қатысты сараланған тариф енгізу туралы бұйрығы күшіне енген еді.

Хабарламаға сәйкес, Аи-80 89 теңге, Қостанай және Солтүстік Қазақстан облыстарында Аи-92 және Аи-93 маркалы бензиннің бағасы литріне 187 теңге, Қазақстанның басқа облыстарында литрі үшін 182 теңге, дизель отынының бағасы литріне 450 теңге болады.

Талқылау