Мұнай бағамы құлдырап кетті

Brent мұнайының бағамы 30 доллардан түсіп кетті, деп хабарлайды Stan.kz ақпарат агенттігі.

Сарапшылардың айтуларынша, соңғы рет мұнай бағамының мұндай көрсеткішке жетуі 2016 жылдың ақпан айында байқалған.

Нұр-Сұлтан уақытымен сағат 19:32-де Brent көрсеткіші 12,05%-ға, яғни бір баррель  29,77 долларды көрсетуде. Ал WTI — 10,4%-ға азайып, 28,7 долларды құрапты. 

Жаппай сатылымнан бөлек, бұл жағдайға әлемдік қор биржаларының құлдырауы да әсер етуде. Мысалы азиялық қор биржалары 10%-ға дейін төмендеп, артынша жабылып қалса, ал еуропалық әлі де болса 7-11,6% аралығында саудаға түсуде. 

Мұнай трейдерлері қолданылып отырған шаралар коронавирусқа байланысты әлемдік экономикаға деген рецессияға жағымды ықпалын тигізбейді деп қорқып отырған көрінеді.