Мұнайдың әлемдік қоры рекордтық қарқынмен сарқылып жатыр

S&P есептеуінше, өткен айда мұнай көлемі тәулігіне 6,6 миллион баррель азайған. Сұраныс тәулігіне 5 миллион баррельге құлдыраған. Бұл – бақылау тарихындағы екінші ең ірі төмендеу. Бұдан үлкен құлдырау тек коронавирус пандемиясы кезінде тіркелген.

Goldman Sachs аналитиктерінің мәліметінше, әлемдік мұнай қоры соңғы сегіз жылдағы ең төмен деңгейге жақындап қалды.

“Солтүстік Еуропада сәуір айында авиациялық жанармай қоры алты жылдағы ең төмен деңгейге түскен”, – деп хабарлайды Argus агенттігі.

Оқыңыз

Мұнай бағасы соңғы төрт жылдағы ең жоғары деңгейге жетті Оқыңыз

Әзірге мұнай тапшылығы көбіне Азия елдеріне сезіліп жатыр. Ал Financial Times мәліметінше, АҚШ-та жазғы демалыс маусымы кезінде жанармай қоры тарихи ең төмен деңгейге жетуі мүмкін.

Мұнай бағасы алдағы уақытта қатты өседі – Сарапшы

Таяу Шығыстағы соғыс пен Ормуз бұғазының блокадасы салдарынан әлемдік мұнай нарығына шамамен 1 миллиард баррель мұнай жеткізілмей қалды.

“Трейдерлердің айтуынша, әлемдік мұнай қорлары бірнеше апта ішінде туындауы мүмкін критикалық шекке жақындап келеді”, – деп жазды Financial Times.

S&P Global Energy компаниясының мұнай нарығын зерттеу бөлімінің жетекшісі Джим Буркхардтың айтуынша, бұл – әдеттегі диапазонмен салыстырғанда айтарлықтай үлкен көлем. Оның сөзінше, нарық әлі мұнай қорының мұншалықты азаюына толық реакция білдірген жоқ, сондықтан баға алдағы уақытта қатты өседі.

Financial Times түсіндіруінше, әлемдік мұнай қоры шамамен 4 млрд баррель деп бағаланады. Алайда бұл көлемнің басым бөлігі күнделікті өндірістік процестерге, яғни мұнай өңдеу зауыттары мен құбырлар жүйесінің жұмысын қамтамасыз етуге жұмсалады.