Mudarabah Capital ісі: Бішкекте қаржы пирамидасын құрушылардың бірі ұсталды
Қырғызстан астанасы Бішкекте қаржы пирамидасын құрғаны үшін іздеуде жүрген қазақстандық ұсталды. Бұл туралы Stan.kz ақпарат агенттігі Қырғызстан ІІМ баспасөз қызметіне сілтеме жасап хабарлайды.
Фото: mvd.gov.kg
Қырғызстанның ІІМ дерегінше, 2023 жылғы желтоқсанның соңғы күндері Бішкекте камералар ҚР ҚК-нің 217-бабы "Қаржы пирамидасын құру және басқару" бойынша Алматы Медеу аудандық полиция басқармасы іздеу жариялаған Қазақстан азаматын О.А.-ны тіркеуге алып, қамауға алды.
Заң өкілдерінің сөзінше, Қазақстанда 2021 жылғы сәуірде зардап шеккен салымшылар полицияға үш компанияның қызметіне қатысты арыз жазып, оларды қаржы пирамидасы деп айыптаған.
"Бұл компаниялар өздерін инвестиция саласындағы табысты ұйымдар ретінде көрсетті. Алматының тумасы, Бішкекте ұсталған күдікті қаржы пирамидасын құрды және басқарды деп айыпталды. Осы "жобаның" көшбасшыларын ұстай бастағанда, ол жасырынып үлгерген. Қазір ол қамауға алынды", – деп жазылған Қырғызстан ІІМ хабарламасында.
Компания салымшылардың бірнеше миллиард теңге сомасындағы қаражатын заңсыз тартқаны айтылған. Ақшаны көбейту мақсатында қаржы пирамидаларының қызметіне танымал блогерлер де тартылды.
Еске сала кетейік, 2023 жылғы 23 маусымда Алматыдағы Алмалы аудандық соты танымал вайнерлер Мейіржан Төребаев пен Мейірхан Шерниязовқа Mudarabah Capital қаржы пирамидасы туралы іс бойынша үкім шығарды.
Алмалы ауданының соты вайнер Мейіржан Төребаевқа қауіпсіздігі ең төмен колонияда 5 жылға бас бостандығынан айыру жазасын тағайындаса, Мейірхан Шерниязовқа да дәл осындай айып берілді. Басқа қатысушыларға 8 жылдан 14 жылға дейін бас бостандығынан айыру жазасы тағайындалды.
Сот жәбірленушілердің 1 миллиард 861 миллион 752 мың 441 теңгеден аса сомадағы талабын қанағаттандырды.