Молдовада мемлекеттік тіл өзгертілді
Молдова президенті Майя Санду мемлекеттік тілді румын тіліне өзгерту туралы жарлыққа қол қойды деп хабарлайды Stan.kz ақпарат агенттігі DW сайтына сілтеме жасап.
23 наурызда Молдова президенті Майя Санду елдің мемлекеттік тілін молдова тілінен румын тіліне өзгерту туралы жарлыққа қол қойды. Шешім өткен аптада ел Парламентінде қабылданды. Жаңа атау Конституцияға, заңдарға және заңға тәуелді актілерге енгізіледі.
Молдова тілінің атауы туралы даулар ел тәуелсіздік алғаннан бері тоқтаған жоқ. 2013 жылы Конституциялық сот румын тілін беру туралы шешім шығарды, бірақ ол орындалмады.
Молдова парламентінде тіл атауын өзгерту туралы дауыс беру кезінде жанжал болды. Қарама-қайшылыққа қарамастан, заң жобасы қабылданды, содан кейін ел президентіне қол қоюға жіберілді.
Талқылау