Соңғы жаңалықтар
Соңғы жаңалықтар

Миллиардтан астам қаржы аударған: Инвестициялық компания қаржылық пирамида болып шықты

Алматыда мыңдаған адам қомақты ақшасын пирамидаға құйып бармақтарын шайнап қалды. Жылға жетпей жұмыс істеген жобаға тұрғындар миллиардтан астам қаржы аударып үлгерген, деп хабарлайды Stan.kz ақпарат агенттігі КТК арнасына сілтеме жасап. 

сетевой

Өткен жылдың мамыр айында «Гроуз оф Капиталз» деп ашылған  компанияға бір жылға жетпей мыңдаған адам қаражатын құйып үлгерген. Әуел басынан ұсыныстары көңілдерінен шыққасын  қолындағысын еселеуді көздегендер енді қайырымына зәру болып отыр.

"Мен өзіме сенімді болдым. Себебі, мұны маған айтқан таныстарым осы компанияға кезінде тіркеліп, өте жақсы пайызбен ақша алды. Сонымен қатар, олардың қайырымдылық акцияларына қатысатынын да естігенмін. Осылайша, бағымды сынап көруге тырысып несие алдым. Шамамен бір көліктің құны десем болады. Енді қалай қайтарарымды білмеймін", - дейді алаяқтардың арбауына түскен Жазира Смағұлова.

Куәгерлердің айтуынша компания басшыларының бірі бұрын соңды дәл осындай пирмамидаға ақша құйып алданғандардың қатарынан болған екен. Сол уақытта қапыда қалтасынан қағылғандардың қайтадан қаражаттарын өсіріп алу үшін осы жобаға салымшы болуға кеңес беріп, үгіттеген.

Қазіргі алданғандардың көбісі бір рет қулық әрекеттің арбауына түскендер екен. Ең кемі 100 мың салып ай сайын 55 пайыздан үстемақы береміз дегегендер кейіннен 35 пайызға түсіріп, наурыз айында телефондарын алмай, байланысты үзген екен.

Қомақты соммасын салған жұртшылық енді шағымдарын айтып, шет ел асып қашып кетпесе болғаны дейді. Бірақ, құқық қорғау органдары істі бірден қолдарына алғанын айтады.

"42 азаматтың арыз-шағымы осы жылдың 1 тамызында Бостандық аудандық ПБ келіп түскен болатын. Ол бірыңғай тергеу реестріне Қылмыстық кодекстің алаяқтық дерегі бойынша тіркеліп, қазір қылмыстық іс аясында тергеу және шұғыл іздестіру жұмыстары қолға алынды. Төрт күдікті бар. Олардың бірі Түркияның азаматы болып шықты", - дейді Алматы қаласы ПД ресми өкілі Салтанат Әзірбек.

Қолында түбіртегі бар тұрғындар бұл істің оңай жабылғанын қаламайды. Қомақты қаражатты жымқырғандар әділ жазасын алуы тиіс деп отыр. Ал, құқық қорғау органдары өз кезегінде тұрғындарға оңай ақшаны олжа етемін деп опық жеп қалмауға шақырады.

 

Талқылау