Милад Карими Әлем кубогының кезеңінде алтын медаль жеңіп алды
Спорттық гимнастикадан Хорватияның Осиек қаласында өтіп жатқан Әлем кубогында қазақстандық қос спортшы жүлдеге ие болды. Бұл туралы Stan.kz ақпарат агенттігі хабарлайды.
Фото: Stan.kz
Қазақстандық гимнаст Милад Карими кермедегі жаттығу бағдарламасының финалында жеңімпаз атанды. Ақтық сында 14,666 ұпай жинаған отандасымыз алтыннан алқа тақты. Күміс жүлдені Израиль спортшысы Александр Мякинин (14,433) иеленсе, қола медальды қытайлық Чени Се (14,300) жеңіп алды.
Бұған дейін Милад Әлем кубогында қола жүлде иеленген еді.
Сондай-ақ Нариман Құрбанов ат снаряды жаттығуында үздік үштікті түйіндеді. Финалда 14,233 ұпайды жинаған қазақстандық гимнаст қола жүлдені еншіледі.
Талқылау