Мектеп оқушылары арасындағы буллинг неге өршіп кетті: Министрлік себептерін атады
Оқу-ағарту вице-министрі Еділ Оспан Қазақстан мектептеріндегі буллинг себептеріне қатысты пікір білдірді. Бұл туралы Stan.kz ақпарат агенттігі хабарлайды.
Фото: pixabay.com
Вице-министрдің айтуынша, Қазақстанда буллинг жағдайлары азайып келеді. 2024 жылы 2023 жылмен салыстырғанда 5 пайызға төмендеген дейді ол.
"Биыл да буллинг жағдайлары төмендейді деп күтеміз. Себебі мемлекет қабылдап жатқан шаралар оқушылар арасындағы жағдайды жақсартуға бағытталған", –деді Еділ Оспан.
Семейде оқушыны аяусыз ұрып-соққан жасөспірімдер арнайы мектепке жіберілді
Еділ Оспанның айтуынша, мектептердегі буллингке гаджеттер мен ата-аналардың балаларды жеткілікті деңгейде бақыламауы себеп болып отыр.
"Мұнда мәселені кешенді түрде қарау қажет. Себептері әртүрлі. Негізгі себептердің бірі – интернет. Балаларға гаджеттер қолжетімді. Екінші негізгі себеп – ата-аналардың жауапкершілігінің төмендеуі. Бүкіл қоғам, депутаттар, үкімет, үкіметтік емес ұйымдар, БАҚ – осы бағытта бірге жұмыс істеп, халықты, ата-аналарды ақпараттандыру қажет", – деді вице-министр.
Еске салсақ, бұған дейін Семейде бір топ оқушы қатарластарын аяусыз ұрып-соққаны туралы жазған едік.