Мәулен Әшімбаев вице-президент бола ма – Сенат төрағасы өзі жауап берді

Фото: Сенат

Сенат төрағасы Мәулен Әшімбаев өзіне вице-президент лауазымы ұсынылуы мүмкін деген әңгімелерге қатысты пікір білдірді. Оның айтуынша, бұл сөздердің “ешқандай негізі жоқ”. Бұл туралы Stan.kz ақпарат агенттігі хабарлайды. 

Әшімбаевтың сөзінше, кадрлық шешімдер жаңа Конституция қабылданған соң ғана қаралады.

“Тағайындаулар жаңа Конституция нормаларына сай жүзеге асады. Бұл президенттің құзыреті. Вице-президент лауазымы жайлы қазір пікір білдіру орынсыз әрі артық”, – деді Әшімбаев.

Сонымен қатар ол Сенат өкілеті тоқтаған жағдайда да, ел игілігі үшін “кез келген бағытта” жұмыс істеуге дайын екенін айтты.

Еске салсақ, Құрылтайда Тоқаев Қариннің лауазымын қысқартып, орнына вице-президент қызметін енгізуді ұсынған еді.