Мәсімовтің бұрынғы күйеу баласы Ресейде сырттай қамауға алынды
Мәскеу соты Азамат және Медер Қапеновтерді сырттай қамауға алып, халықаралық іздеу жариялады. Оларға қазақстандық кәсіпкер Анатолий Балушкинге қатысты алаяқтық жасады деген айып тағылып отыр. Бұл туралы Stan.kz ақпарат агенттігі хабарлайды.
Тергеу нұсқасына сәйкес, ағайынды Қапеновтер Балушкинге банк алдындағы мәселелерін және бизнес дауларын шешуге көмектесуге уәде берген. Есесіне олар “ПТД” ЖШС-дегі 25%-дық үлесті иеленген. Алайда құжаттар рәсімделген соң олар байланысқа шықпай, берген уәделерін орындамаған. Келтірілген шығын көлемі 52 миллион рубльге (352 миллион теңге) бағаланған.
ОқыңызҚазір Азамат пен Медер Қапеновтер халықаралық іздеуде жүр. Олар ұсталған жағдайда бірден қамауға алынбақ.
Анатолий Балушкин – “Азия Авто – БИПЭК” автомобиль империясының бұрынғы негізгі тұлғаларының бірі. Қазақстанда ол және оның бұрынғы серіктесі Ерік Сағымбаев аса ірі көлемдегі алаяқтық ісі бойынша сырттай сотталып, тиісінше 9 жылға және 8,5 жылға бас бостандығынан айырылған.
Бұған дейін де Азамат Қапеновтің есімі Қазақстандағы қылмыстық істерде аталған еді. Бұрын Сыбайлас жемқорлыққа қарсы іс-қимыл агенттігі оған алаяқтық ісі бойынша іздеу жариялаған. Сонымен қатар ол бұрынғы Ұлттық қауіпсіздік комитетінің төрағасы Кәрім Мәсімовтің үлкен қызының бұрынғы жұбайы ретінде танымал.
Осылайша, Қапеновтерге қатысты Қазақстандағы айыптауларға Ресей тарапының да талаптары қосылып отыр. Ағайынды Қапеновтер халықаралық іздеуде жүр.
Айта кетейік, Азамат Қапенов 2024 жылдан бері құқық қорғау органдарынан жасырынып жүр. Оны қазақстандық Антикор мен Мәскеу Ішкі істер департаментінің тергеу басқармасы іздеп жатыр.
Мамандар шәйнектегі қақ пен су сапасының байланысын түсіндірді: Шөгінділерге алаңдамауға кеңес берілді
