Марат Омаров екінші некесінен туған қызын тұрмысқа берді

Марат Омаровтың ортаншы қызы тұрмысқа шықты. Ақ босаға аттап, келін атанған Зульфияның тойы Нұр-Сұлтанда дүркіреп өтті. Ал қазіргі уақытта үшінші әйелімен АҚШ-та тұрып жатқан композитор қызының қуанышына келе алмады, деп хабарлайды Stan.kz ақпарат агенттігі. 

Марат Омаровтың алғашқы некесінен Зарина, Мадина есімді қыздары мен Азамат есімді ұлы болса, екінші некесінен туған перзенті осы –  Зульфия. Әке жолын қуған балаларының бірі де осы қыз. Өзі Жүсіпбек Елебеков атындағы эстрада және цирк колледжін "актер" мамандығы бойынша бітірген. Осы уақытқа дейін отандық телехикаялар мен бейнеклиптерде, шоуларда бой көрсетіп үлгерді. Одан бөлек, әншілік қабілеті де бар. 

Марат Омаров Зульфияның анасымен қызы 5 жаста болғанда ажырасып кеткен. Бүгінде үшінші рет отау құрған композитор жұбайымен және кенже қызымен Америкада тұрып жатыр. Ол ортаншы қызының тойына мұхиттың арғы жағынан жете алмады. Есесіне үлкен қызы Зарина әкесінің орнын жоқтатпады. 

• Бақытбек Есентаев түрмеден шыққаннан кейін дәрігерлерге қаралып, Instagram-ға тіркелді

• Жүрсін Ерман әлемге әйгілі шетелдік құдасына шапан кигізіп, ат мінгізді

"Өмірің ертегідегідей болсын. Тағы бір сіңлімді күйеуге бердім. Енді ең кенжесі қалды", –  деп жазды Зарина Омарова тойда түскен суреттерін жариялап.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Зарина Омарова (@zarina_omarova_official)

Айта кетейік, 2019 жылы Stan.kz тілшісіне сұхбат берген Зульфия әкесі мен бауырларымен қарым-қатынасы жайлы айтып берген еді.