Малышева балаларға маска тағудың қауіптілігі туралы айтты

Медицина ғылымдарының докторы Елена Малышева балаларға арналған қорғаныс маскаларының қауіптілігі туралы айтты. Бұл туралы ол Instagram парақшасында айтты, деп хабарлайды Stan.kz ақпарат агенттігі. 

Желі қолданушылары Елена Малышевадан Қазақстандағы сәбилерге маска тағу туралы бұйрыққа қалай қарайтынын сұрап пікір қалдырған. 

"Бұл қолайсыз... Балалардың тыныс алуы толық жетілмеген. Сонымен қатар, олар ересектерге ешқандай қауіп төндірмейді", - деп жауап берді Малышева. Американдық педиатрлар қауымдастығының мәліметі бойынша, балалармен, тіпті, әлеуметтік қашықтық қажет емес, деп атап өтті ол.

Тележүргізуші сонымен бірге АҚШ-та бетперде киген балалардың қайтыс болуының екі жағдайы тіркелгенін айтты.

Естеріңізге сала кетейік, Қазақстанда денсаулық сақтау министрі балаларға маска тағуды міндеттеген еді. Алайда бүгін ол бұйрығынан бас тартты.