Мақпал Жүнісова қыр соңынан қалмай қойған бүлдіршін туралы айтып жұртты күлдірді (видео)
Мақпал Жүнісова қыр соңынан қалмай қойған 5 жасар қыз туралы айтып, жұртты күлкіге қарық қалды.
Бұл туралы Stan.kz хабарлайды.
Әншінің айтуынша, оқиға “Соқыр махаббат” фильмінің тұсаукесерінде болған. Шамамен 5 жасар қыз анасын тастап, Мақпал апайының жанына жүгіріп барған. Суретке түсіп, қалағанына жеткен қыз аздан кейін Мақпал Жүнісовадан Қайрат Нұртасты сұраған.
Сұрағаны сол-ақ екен, Қайраттың анасы Гүлзира Айдарбекова келген. Бүлдіршіннің тілегін естіген продюсер-ана оған Қайраттың үнтаспасын сыйлаған. Ал Мақпал Жүнісова бүлдіршіннің аузына “түкіріп”, ақ батасын берген.
Шынашақтай қыздың пысықтығына қайран қалған Мақпал Жүнісова: “Болайын деп тұрған бала екен. Біз танымайтын айдаладағы қыз қызыл кілемнің үстімен де өтіп кетті, Қайрат Нұртастың үнтаспасын да алып кетті”, – деді.
Жіберіп алмаңыз:
Талғат Теменов “Тоқал” фильмінің режиссерін көргенсіз деп атады
Жазушы Гүлнұр Оразымбетованы Ұлттық арнаның директоры етіп тағайындауды ұсынды
Бағым Мұхитденова танылып алып, өзін менсінбей кеткен шәкіртіне ренжулі