Magnum, Small және Toimart әлеуметтік тауарлар бағасын қымбаттатпауға уәде берді
Magnum, Small және Toimart сауда желілері Алматыда әлеуметтік маңызды азық-түлік тауарларының бағасын жыл соңына дейін күрт көтермеуге уәде берді. Бұл туралы Stan.kz ақпарат агенттігі хабарлады.
Қала әкімдігінің хабарлауынша, супермаркеттер сауда үстемесін 15%-дан аспайтын деңгейде ұстайды.
"Әлеуметтік маңызды азық-түлік тауарларының бағасын негізсіз көтермеу және белгіленген сауда үстемесін сақтау мақсатында Алматы қаласы әкімдігі Magnum, Small және Toimart ірі сауда желілерімен бағаны тұрақтандыру туралы меморандумға қол қойды", – деп хабарлады әкімдіктен.
Сонымен қатар әкімдік отандық өндірушілерден тікелей жеткізілімдерді ұйымдастыруға келісті. Енді алматылықтар "Алатау-Кұс", "Отан Грин Фуд" және "Наурыз Агро" компанияларының құс етін, "Сары-Бұлақ" фабрикасының бірінші санатты жұмыртқасын, "Асыл Дән" компаниясының күрішін және "КаистИнвест" зауытының қантын арзан бағамен сатып ала алады.
11 миллион теңгеге дейін: Қазақстандықтар пәтер жөндеуге қанша жұмсайтынын айтты
Алғашқы баспанасын қара сылақ күйінде сатып алған 25 жастағы Нұрсұлтан жөндеу жұмыстарына өзі араласқан
Алматы облысында туғанына 5 күн болған сәби көз жұмды: Туыстары дәрігерлерді нәрестені жерге құлатып алды деп айыптады
Толғағы жедел келген әйелді зембілмен емес мүгедектер арбасымен тасыған кезде сәби кенет дүниеге келген