Bank RBK қазақстандық банктер арасында несие портфелінің өсуі бойынша көшбасшы атанды

24.06.26 / 10:53

Қазақстан банктерінің несиелік портфелі 1 мамырдағы жағдай бойынша бір жылда 17,6% өсіп, 43,78 триллион теңгеге жетті. Бұл туралы Ranking.kz Ұлттық банктің деректеріне сілтеме жасап хабарлайды. Жылдық динамикада Қазақстандағы 23 екінші деңгейлі банктің 17-сі өсім көрсеткен, 4 банк төмендеген, ал тағы екеуі жаңа банк болғандықтан, оларда жылдық көрсеткіш әлі жоқ. Несиелеуші банктердің үздік ондығында 9 банк өсім көрсеткен.

Ең жоғары өсім көрсеткен банк – Bank RBK. Оның өсімі бір жылда 39,6%-ға жетіп, портфелі 1,6 триллион теңге болған. Сонымен қатар банк бір айдың ішінде де несиелік портфелін 1,2% арттырған. Бұл нарықтағы орташа өсімнен (0,9%) жоғары.

Bank RBK экономиканы белсенді түрде несиелеуде, шағын және орта бизнестің дамуына, сондай-ақ нақты сектор мен әлеуметтік маңызы бар жобаларға қолдау көрсетіп келеді. Жеке тұлғалар үшін банк кепілсіз 8 миллион теңгеге дейінгі және ірі сомаларға арналған 75 миллион теңгеге дейінгі кепілді несиелер ұсынады. Сонымен қатар клиенттерге несиелерді қайта қаржыландыру және жинақ шотындағы қаражат кепілімен берілетін қарыздар да қарастырылған.

Шағын және орта бизнес сегменті үшін Bank RBK-да несиелердің кең ауқымды желісі бар, сондай-ақ бірқатар мемлекеттік бағдарламаларға қатысады. Олардың қатарында портфельдік кепілдендіру, "Іскер аймақ", әйел кәсіпкерлігін қолдайтын "Үміт", "Өрлеу", өңдеу өнеркәсібіндегі шағын және орта бизнесті несиелеу бағдарламасы және өңірлік кредиттеу бағдарламалары бар. Корпоративтік клиенттер үшін де банк инвестициялық жобаларды қаржыландыруды қоса алғанда түрлі кредиттік өнімдер ұсынады.

Bank RBK-ның тұрақтылығы мен оң дамуы халықаралық рейтинг агенттіктерінің бағаларымен де расталады. Мысалы, биыл сәуірде Moody's банктің рейтингін Ba2 деңгейінде, "тұрақты" болжаммен растады. Ал Fitch Ratings оған BB деңгейін беріп, болжамды "тұрақты" деп бағалады.

Сондай-ақ айтарлықтай өсім көрсеткен банктер қатарында Otбасы Bank (жылына 21,5%), Bank CenterCredit (20,3%), Bereke Bank (19,2%) және ForteBank (19%) бар.

Анықтама үшін: елдегі ең ірі 10 несие беруші банкке барлық банктердің жиынтық несиелік портфелінің 92,1%-ы тиесілі, яғни 40,3 триллион теңге. Бұл былтырмен салыстырғанда 16,4% көп. Қалған банктердің үлесіне портфельдің 8%-дан азы тиесілі (3,4 триллион теңге), бірақ мұнда өсім айтарлықтай жоғары – 34,6%.

90 күннен асқан мерзімі өткен несиелердің (NPL 90+) үлесі сектор бойынша орта есеппен 4,1% ғана, яғни төмен деңгейде қалып отыр.

Жалпы алғанда, несиелердің сапасы сақталып, мерзімі өткен берешек қатаң бақылауда тұрған кезеңде банктердің несиелік портфелінің өсуі Қазақстан экономикасын қаржыландыру кеңейіп, банк секторының рөлінің артып жатқанын көрсетеді.