"Магнит жабысады": Қазақстандық желі қолданушысы вакцина чипке айналады деп халықты шулатты
Қазақстандық желі қолданушысы "вакцина бірнеше күннен кейін чипке айналады" деп халықты шулатты. Ер азамат екпе егілген жеріне магнит жапсырып, бұл әрекетін видеоға түсірген, деп хабарлайды Stan.kz ақпарат агенттігі КТК арнасына сілтеме жасап.
Құзырлы органдар видеодағы азаматтың қай өңірдің тұрғыны екенін анықтай алмапты. Видедағы тұрғын "екпеден кейін иығымда чип пайда болды" деп, оған магнит жабыстырып дәлелдемек болады. Оның сөзінше, магнитті екпенің орнына жақындатса жабысып, басқа бөлігіне апарса түсіп қалады екен.
Ер азаматтың бұл қылығы желіде белснеді түрде талқылануда. Эпидемиологтар оның бұл әрекетін сынға алды. Мамандардың сөзінше, бар болғаны бес миллиграмдық сұйықтықты темірге айналады деу – ақылға қонымсыз. Сондықтан елді адастырып көптің күдігін күшейтетін осындай адамды тауып, жауапқа тарту керек дейді.
Вакцина иммунитетті нашарлатады деген хабарлама қазақстандықтарды шошытты
"Мұндай адамдарды зиянкес деуге болады. Халқына зиянын тигізіп жатыр. Бұл мәселемен құзырлы орындар айналысуы тиіс. Оны жай қалдыруға болмайды, тауып, жазалау қажет", - деді Жамбыл облысы денсаулық сақтау басқармасының бас эпидемиологы Гүлфайра Мырзабекова.