"Мен бір рет тұрмыста болған әйелмін. Қазір ажырасқанмын. Осыдан 16 жыл бұрын ажырастым. Өзбекстанға, анығын айтсам, Қарақалпақстанға тұрмысқа шықтым. Бірақ ұзақ тұрған жоқпын. Себебі ол жақтың салты, өмірлік ұстанымдары маған ұнамады. Оған төзе алмадым. Географиялық жағынан қарағанда мүлде басқа адамдармыз. Сондықтан еш айғай-шусыз, ренішсіз екі жаққа кеттік", - деді тележүргізуші.

Балғабаева сәтсіз некеден соң екінші рет тұрмыс құрған жоқ. Себебі бірінші некесінен кейін өзіне тым талапшыл болып кеткенін айтады.

"Мен жас кезімде қателесуден қорықтым. Қазір мен ер азаматтан басқа қасиеттерді күтемін. Әйел тек әйелі ғана емес, өмірлік серік, дос, әріптес жолдас болу керек. Мен кейбір қыз-жігіттер секілді интернет арқылы таныса алмаймын. Желіде көп уақыт жұмсамаймын. Мен адаммен бетпе-бет кездескенді дұрыс санаймын", - деді ол.

Тележүргізушінің бірінші некесінен туған бір ұлы бар. Қазір 19 жаста. Бұрын әкесімен жиі кездескен. Қазір әлеуметтік желі, телефон арқылы сөйлесіп тұрады екен.

Баян Мақсатқызы: Мадина құрбым алғаш менімен танысқанда "Сүйісіп көрдің бе?" деп сұраған еді

Тележүргізуші Баян Мақсатқызымен ұзақ жылдан бері достық қатынаста. Тіпті бір-бірінің тойында қыз жолдас болып, әлі күнге дейін бірге келеді. Алайда Баянның өмірінде болған ауыр үзіліс жайлы, бірінші күйеуімен болған жанжал жайлы көпке айтқысы келмейді.

"Баян екеуміз өмірдегі бар қуаныш пен қайғыда бірге болдық. Оның өміріндегі болған ауыр соққы кезінде де мен қасынан табылдым. Бірақ ол жайлы ашық айта бергім келмейді. Бастысы бұл оқиғадан соң бәрінің аман-сау қалғанына қуандым. Бастысы - сол. Бұл бір күнгі оқиға емес. Ұзақ жылдан бері осы жағдайға келе жатқан еді. Сондықтан біржақты бір адамды кінәлауға болмайды. Әйел адам өз өмірінің қожайыны. Өз тағдырын өзгерте алады. Бірақ біздің әйелдер қорқады. Ажырасудан, өзін арашалаудан, қол көтеретін еркекке қарсы шығудан қорқады. Әйел өзін бағалау керек. Тәуекелге барып үйрену керек", - деді Мадина ханым.

Талқылау