Лотереяда бір сандар тізбегін он жыл бойы қолданған әйел ақыры байлыққа кенелді
Австралияның Сидней қаласының тұрғыны 10 жыл бойы лотерея билеттеріне бірдей сандардың тізбегін жазып жүріп, ақыры ірі ұтысқа кенелді, деп хабарлайды Stan.kz ақпарат агенттігі.
Австралиялық әйел лотереядан бір миллион австралиялық доллар (шамамен 268 миллион теңге) ұтып алыпты. Ол он жыл бойы тек бірдей цифрларды лотерея билеттеріне жазып жүріпті. Наурыз айында тұрғын тағы бір рет бағын сынап көрмекші болып, онлайн билетке бұрын жазып жүрген сандарды енгізген. Ал 18 наурыз күні әйел жеңіске жеткенін білген.
"Мен кішкене ұйықтап алмақшы болғанмын. Түн ортасында оянып алып, бұл жағдай менің түсіме кірген шығар деп ойлаппын", - дейді ол.
Сөзінше, ол ұтқан ақшаны үйіне алған несиеге жұмсамақшы. Бұған қоса джекпотқа қол жеткізген әйел ол қолданып жүрген сандар бір күні байлық әкелетініне еш күмән келтірмеген жеткізіпті.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді