"Спортшы емес, киллер жіберген секілді": Желіде Париж Олимпиадасына қатысқан түркиялық 51 жастағы спортшы талқыға түсті
Әлеуметтік желіде Олимпиадаға арнайы киім, құралсыз қатысқан түркиялық 51 жастағы атқыш Юсуф Дикеч қызу талқыға түсті. Бұл туралы Stan.kz ақпарат агенттігі хабарлайды.
Ол 24 жастағы Севвал Тарханмен бірге пневматикалық тапаншадан 10 метр қашықтықта атудан күміс медаль жеңіп алған.
Ерекшелігі, Дикеч шуды болдырмайтын құлаққап пен арнайы көзілдірік тақпаған. Оның үстіне ату кезінде бір қолын қалтаға салып тұрған.
Currently the most famous man in the world
— Enez Özen (@Enezator) July 31, 2024
pic.twitter.com/srxPhwDkUk
Көбісі Юсуфты өзіне назар аудармас үшін алтын емес, күміс жеңіп алған кәсіпқой “киллер” деп әзілдеді. Сондай-ақ “Түркия спортшыға шашылғысы келмей, орнына киллерді жібере салған шығар” деген секілді әзіл пікірлер жазылып жатыр.
Бұл – Дикечтің Олимпиададағы алғашқы жүлдесі. Спортшы 2008 жылдан бері өткізіліп келе жатқан бес ойынның барлығында өнер көрсетті.
Сонымен қатар түркиялық спортшымен қатар оңтүстіккореялық Ким Е Джи де жұлдызға айналды.
The Olympic #shootingsport stars we didn’t know we needed.
— The Olympic Games (@Olympics) August 1, 2024
🇰🇷 Kim Yeji 🤝 Yusuf Dikeç 🇹🇷 pic.twitter.com/gfkyGjFg4I
Оның арнайы агенттер туралы фильмдердегі басты кейіпкерге ұқсайтыны туралы пікірлер болды.
Фото: Reuters
Бұған дейін италиялық әйел-боксшы трансгендермен жекпе-жектен кейін Олимпиадаға қатысудан бас тартқаны айтылды.