Квест бөлмесіндегі өлім: Дағыстанда өрт ұйымдастырған аниматор өрт сөндіруші мамандығында оқиды
18 жастағы Шамиль Махачкала техникалық өрт-құтқару колледжінің екінші курсында білім алып жатыр. Жауап алу кезінде ол квест қатысушысына креслоға шынжыр байланған адамға тым көп бензин құйғанын мойындады. Бұл туралы Stan.kz ақпарат агенттігі SHOT арнасына сілтеме жасап хабарлайды.
Фото: SHOT
Мәліметтерге сенсек, бұдан кейін аниматор қызды қорқыту үшін қолғапты өртеп жіберген, бірақ жалын қызға да жайылып кеткен.
Шамиль қолғапты бөлменің бұрышына – керосинмен себілген аралардың үстіне лақтырып жіберген. Бөлме әп-сәтте отқа оранған. Аниматор жанып жатқан адамды орындықтан босата алмаған. Ал квесті ұйымдастырған тағы бір аниматор – Пеннивайз рөлін сомдауға тиіс 17 жастағы жігіт әлі ұсталмады.
Еске салайық, бұған дейін Махачкалада квестте өрт шығып, екі әйел мерт болғанын жазған едік. Тергеу мәліметінше, 22 шілде күні сағат 02:00 шамасында Расул Ғамзатов көшесіндегі квест бөлмесінде "ойын сеансы кезінде бензин" тұтанып, өрт шыққан. Дағыстанның тергеу комитеті қауіпсіздік талаптарына сай келмейтін қызмет көрсету бабы бойынша қылмыстық іс қозғады. Дағыстан Денсаулық сақтау министрлігі квестке келушілердің бірі көмірқышқыл газынан уланып, екіншісі күйіктен қайтыс болғанын хабарлады. Қаза тапқандар 19 жастағы Асият пен 25 жастағы Мәдина. 21 жастағы Саид есімді азаматтың денесінің 50%-ын күйік шалып, ауруханаға түсті.