Күн ыстық болады: Қазақстанның қай аймақтарында құрғақшылық болатыны айтылды
"Қазгидромет" РМК Агрометеорологиялық мониторинг және болжау департаментінің директоры Нонна Лоенко мамыр айында Қазақстанның қай өңірінде құрғақшылық болуы мүмкін екенін айтты. Бұл туралы Stan.kz ақпарат агенттігі хабарлайды.
Фото: pixabay.com
Қазақстанның солтүстігінде егіс мамыр айының ортасында басталады. Болжам бойынша мамыр айы ыстық болады. Республиканың басым бөлігінде орташа айлық ауа температурасы нормадан 1-2 градус жоғары болады. Тек батыста ұзақ мерзімді орташа мәндердің айналасында болады.
"Республиканың қиыр батысында жауын-шашын мөлшері орташа климаттық көрсеткіштерден асып түседі. Ұлытау, Қызылорда, оңтүстік Қостанай және Ақмола облыстарында, Түркістан, Жамбыл, Қарағанды облыстарының солтүстік-батысында мамырда жауын-шашын мөлшерінен аз болады. Жалпы мамыр айында болатын ауа райы топырақта жылудың жиналуына, сондай-ақ оның бетіндегі ылғалдың белсенді булануына ықпал етеді", – деді Лоенко.
Көктемде су тасқынының жүруі астықты аймақтарда егіс кезеңінде топырақтың ылғал болатынын көрсетеді.
"Қызылорда облысының Қармақшы ауданында атмосфералық құрғақшылық болады. Бұл жерде жауын-шашын тапшылығы және жоғары температура болжанды", – деді ведомство басшысы.
Айта кетейік, бұған дейін Қазақстан бойынша алдағы үш күнге арналған ауа райы болжамын жариялаған едік.