Криштиану Роналду ең үздік футболшы атанды
Дубайда Globe Soccer Awards жүлдесін табыстаудың салтанатты рәсімі болып өтті. Ең үздік ойыншылар мен топтарды Еуропалық топтар ассоциациясы мен Еуропалық футбол агенттігі ассоциациясы марапаттады, деп хабарлайды Stan.kz ақпарат агенттігі.
2019 жылдың ең үздік футбол ойыншысы болып "Ювентустың" шабуылшысы Криштиану Роналду танылды. Ол барселоналық Лионель Месси мен ливерпульдік Вирджил ван Дейк және Мұхамед Салахты басып озды.
Роналду Globe Soccer Awards-тың нұсқасы бойынша осымен 4-ші рет қатарынан жылдың "ең үздік ойыншысы" атанып отыр. Өзінің футбол карьерасында ол аталған марапатқа алтыншы рет ие болған екен.
2019 жылдың ең үздік футбол клубы деп "Ливерпуль" танылса, "ең үздік жаттықтырушы" титулын осы топты жаттықтыратын Юрген Клопп иеленіпті. Ал осы жылдың "ең үздік қақпашысы" мәртебесі бразиялық Алисон Бекерге тағайындалған.
Номинация кезінде әйелдер арасындағы ең үздік ойыншы да анықталыпты. Бұл марапатқа англиялық Люси Бронз ие болды.
"7 миллиард теңгеге жуық": Алматы әкімін қамтамасыз етуге премьер-министрден көп қаржы жұмсалады
2026–2028 жылдарға арналған республикалық бюджет туралы құжатта бүкіл шығын жазылған
"1,5 келілік сәби жансақтау бөлімінде": Таиландқа демалуға барып, босанып қалған қазақстандық әйел елден көмек сұрады
Елена: "Қазақстанға қашан оралатынымыз белгісіз"