Костенко шахтаcында өндірісті қалпына келтіруге тыйым салынды
Қарағандыда 46 кеншінің өліміне себеп болған Костенко атындағы шахтада болған жарылыстың салдары әлі жойыла қойған жоқ. Қайғылы оқиға қайталанбауы үшін шахтада жұмыс тоқтап тұр. Бұл туралы Stan.kz ақпарат агенттігі хабарлайды.
Шахтаның қазіргі жай-күйімен танысу үшін Qarmet басшылығы мен қызметкерлерінің тобы апат болған жақын жерге барып 600 метрден астам тереңдікке түсті.
"Шахта директоры Андрей Бойко кешенде жүргізілген тексерулердің қорытындылары, болған жағдайдың себеп-салдарын жою бойынша жоспарланған жұмыстар, көмір өндіруді қайта бастау перспективалары туралы баяндады. Qarmet басшылығы Андрей Лаврентьев пен Вадим Басиннің басшылығымен жүргізіліп жатқан күрделі жұмыстарға ризашылықтарын білдірді. Алайда қайғылы оқиғаның қайталануының кез келген ықтимал факторлары жойылғанға дейін шахтада өндірісті қайта бастауға тыйым салынды", – деп жазылған хабарламада.
- Костенко шахтасын қалпына келтіруге 2 жарым ай уақыт керек – Облыс әкімі
- 46 кеншінің өліміне себеп болған Костенко атындағы шахтада болған жарылыстың себебі аталды
Олар барлық қажетті орындау құралдары көмір департаментінің инженерлері үшін қол жетімді екенін атап өтті.
Еске сала кетейік, 28 қазан күні төтенше жағдай аймағындағы өрттен кейін Костенко шахтасында жарылыс болды. Апат кезінде шахтада 252 адам болған, оның 46-сы көз жұмды. Апаттан кейін президент Қасым-Жомарт Тоқаев Қазақстан үкіметіне "АрселорМиттал Теміртау" АҚ-мен ынтымақтастықты тоқтатуды тапсырған еді. Қарағанды облысында кеншілердің өліміне қатысты қылмыстық іс қозғалды. Төтенше жағдайлар министрі Сырым Шәріпханов үкімет отырысында қайғылы оқиғаға жауапты 28 адамды анықтағанын айтты.