“Қорғас” шекара бекетінде жасырын казинолар жұмыс істеп келген
"Қорғас" ШЫХО-ның қазақстандық бөлiгiнде 8 жасырын казино заңсыз жұмыс істеген. Бұл туралы Stan.kz ақпарат агенттігі хабарлайды.
Фото: gov.kz
Ұлттық қауiпсiздiк комитетiнiң жедел қызметкерлері мен шекарашылары қаржы мониторингi агенттiгiмен бiрлесіп, "Қорғас" ШЫХО-ның қазақстандық бөлiгiнде жұмыс iстеген 8 жасырын казино әрекетінің жолын кестi.
Ер адам казинода 4 миллион доллар ұтып алып, сол жерде көз жұмды (видео)
"2024 жылғы 18 шілдеде осы әрекетке қатысы бар деген күдікпен 32 шетелдік және 6 Қазақстан азаматы ұсталды. Тінту барысында ойын автоматтары мен үстелдер, құмар ойындарын ұйымдастыруға арналған техникалық жабдықтар, сондай-ақ көп мөлшерде ақшалай қаражат алынды”, – делінген ақпаратта.
Жетісу облысы бойынша экономикалық тергеу департаменті сотқа дейінгі тергеп-тексеру жүргізуде.
Еске салсақ, осыған дейін сенат депутаттары елдегі ойынға тәуелділікпен күрес, лотерея қызметіне қатысты заңды мақұлдаған.