"Көңілді, ақкөңіл, әдемі жігіт": Қазақстандық спортшылар өлім жазасына кесілген балуанды еске алады

Қазақстандық спортшылар Иранның әйгілі балуанының қазасына таңданыстарын білдірді. Олар Тегерандағы жарыстарда Навид Афкаримен бірнеше рет кездескенін айтты. Спортшының болашағы жарқын еді дейді. Бұл туралы Stan.kz ақпарат агенттігі КТК арнасына сілтеме жасап. 

Грек-рим күресінің бірнеше дүркін чемпионы үкіметке қарсы митингтерге қатысқаны үшін өлім жазасына кесілді. Сонымен қатар, полицейді өлтірді деп айыпталды. Көптеген құқық қорғау ұйымдары 27 жастағы спортшыны қорғады. Халықаралық Олимпиада комитетінің басшысы Томас Бах, тіпті Америка президенті Дональд Трамп балуанға кешірім беруді сұрады.

Иран үкіметі ешқандай өтінішке назар аудармады. Чемпион түрмеде дарға асылды. Ал оған дейін 70 рет дүре соғылған. Кейінірек Афкаридің адвокаты айтқандай, спортшыға ел заңнамасында талап етілгендей, тіпті отбасымен кездесуге рұқсат берілмеген.

Қазақстандық құқық қорғаушы Евгений Жовтис ирандық спортшыға қатысты үкімнің мәні зор екенін түсіндірді. Өлім жазасы бұл жерде тіпті жеңілдететін жағдайларды, тіпті баламалар ескермей қабылданған. 

"Бұл наразылықтар туралы, наразылық білдірушілердің құқық қорғау органдарымен қақтығысы туралы болды. Шамасы, мұның бәрі Иран билігін, оның ішінде Иран сотын да наразылық білдірушілерді қорқыту немесе демонстрациялау шарасы ретінде осындай шешім қабылдауға итермелеген сияқты. Билік наразылық білдірген адамдарға қатысты өте қатал әрекет етеді, әсіресе егер құқық қорғау органдарының қызметкері осы наразылықтар кезінде қаза болса", - деді құқық қорғаушы Евгений Жовтис.

Ирандық балуанмен көптеген қазақстандық спортшылар жеке таныс болған. Олар біріншіліктерде кездескен. Біздің спортшылар Афкариді өлім жазасына кесу туралы жаңалыққа қатты таң қалғанын мойындайды.

"Есімде, ол ирандық палуандардан еш айырмашылығы жоқ еді, көңілді, ақкөңіл, әдемі жас жігіт. Физикалық тұрғыдан мығым. Жалпы, олардың күрес мектебі өте жақсы. Біз, әрине, бәріміз таң қалдық. Өзін жалпы халықаралық деңгейде көрсете алатын балуан еді, өкінішті...", - деді грек-рим күресінен ҚР мемлекеттік жаттықтырушысы Мейірхан Рахметов.

Бірнеше күн бұрын адам құқығын қорғау ұйымы Навид Афкари қаза болғанға дейін жазған жазбасын жариялады. 

"Егер мені өлтірсе, соғысып,өзін тыңдату үшін бар күш-жігерін салған кінәсіз адамды өлтіргендеріңізді біліңіздер. Бірақ ешкім тыңдағысы келмеді", - деп жазды марқұм спортшы.

Иран билігі бұл арада Афкаридің өзі барлық қылмыстарды мойындағанын айтты. Алайда, адам құқықтары жөніндегі ұйымдар мен марқұмның отбасы жас спортшыны азаптап, айыптауға келісуге мәжбүр етті деп санайды. Спортшының екі ағасы да түрмеге жабылды. Иран соты оларға 20-дан астам бап бойынша айып тағып отыр.