Қызылорда тұрғыны пара туралы хабарлағаны үшін 215 мың теңге сыйақы алды
Қызылорда тұрғыны сыбайлас жемқорлық дерегі туралы құзырлы органдарға мәлімдегені үшін 215 мың теңге көлемінде сыйақы алды деп хабарлайды Stan.kz ақпарат агенттігі.
Тұрғын облыстық жер қатынастары басқармасы басшысының орынбасары алаяқтық жолмен 2 миллион теңгені иемденгені туралы мәлімдеген.
Облыстық Сыбайлас жемқорлыққа қарсы қызмет департаментінің басшысы Ернар Мақажановтың сөзінше, шенеунік жер телімін алуда көмек көрсеткені үшін жеке тұлғадан 2 миллион теңге талап еткен.
"Лауазымды тұлғаның заңсыз әрекеті туралы тұрғынның мәлімдемесі арқылы жемқорлықтың алдын алдық. Қылмыстық іс сотқа жіберілді. Қылмыскер кінәлі деп танылып, үш жылға бас бостандығынан айырылды", – деді Мақажанов.
2022 жылы аймақта жемқорлық туралы мәлімдегені үшін 10 адам сыйақы алған. Сыйақының жалпы сомасы 2 миллион теңге.
Алматы облысында әйел көлікпен үйдің ауласына кіріп кеткен: Жарақат алған тұрғын бір аяғынан айырылды
Салдарынан аулада әйелдің аяғын ампутацияламақ
Шымкентте әскерге барудан қашқан 23 жастағы жігіт үшінші қабаттан секіріп комаға түсті
Жанна: “Ұлыма қысым көрсеткендер әскери комиссариат қызметкерлері болмай шықты”