Қызылорда облысында әйел мектеп оқушысына мас болғанша ішімдік ішкізген
Қызылорда облысындағы ауыл тұрғыны жасөспіріммен бірге ішімдік ішкен, деп хабарлайды Stan.kz ақпарат агенттігі.
Оқиға Қармақшы ауданында болған. Полицейлер Жосалы кентінде тұратын әйел кісіні 2004 жылы туған мектеп оқушысына алкогольдік ішімдік ішкізіп жатқан жерінен ұстады.
Қызылорда облыстық полиция департаментінің баспасөз қызметінің мәліметінше, құқық бұзушыға қатысты Әкімшілік құқық бұзушылық туралы кодекстің 131-бабы - "Кәмелетке толмаған адамды масаң күйге дейiн жеткiзу" бойынша хаттама жасалды
Сотта ауыл тұрғыны кінәсін мойындап, жасаған ісіне өкінді.
Аудандық сот жас әйелге 20 АЕК (38 892 теңге) көлемінде айыппұл салды.
Сонымен қатар әйел кәмелетке толмаған адамды құқық бұзушылық пен басқа да қоғамға қарсы іс-әрекеттер жасауға итермелеген адам ретінде де профилактикалық есепке алынды.
Салық пен айыппұл өсіп, қымбатшылық басталады: 2026 жылдан бастап Қазақстанда не өзгереді?
70 жастағы зейнеткердің зейнетақысы 2025 жылы 171 588 теңге болса, 2026 жылдан бастап ол 192 816 теңгеге дейін көтеріледі
2026 жылы қоғамдық тамақтану орындарында баға қалай өзгермек
Бізге дәмханалар жауап берді