Қытай әскери жаттығулар аясында Тайваньға 20 ұшақ пен 14 кеме жіберді

Қытайдың Халық-азаттық армиясы ауқымды жаттығулардың үшінші күні Тайваньға 20 ұшақ пен 14 әскери кеме жіберді. Бұл туралы аралдың қорғаныс министрлігі Twitter-де мәлімдеді, деп хабарлайды Stan.kz ақпарат агенттігі. 

Бейжің төрт J-11 және J-16 жойғыштарын, он Су-30 ұшағын, сондай-ақ Y-20 ауыр әскери көлік лайнері мен Y-8 сүңгуір қайықтарға қарсы ұшағын жібергені нақтыланды.

Тайпэй өз кезегінде жағдайды бақылау үшін әуе патрульін жіберді, сонымен қатар зениттік-зымырандық кешендерді орналастырды.

Еске сала кетейік, Шығыс Азиядағы шиеленіс Америка Құрама Штаттары мен Қытай арасындағы қарым-қатынастардың шиеленісуі кезінде Нэнси Пелосидің Тайваньға үлкен сапарынан кейін күшейе түсті, онда ол "АҚШ-тың аралдағы демократияны қолдауға деген мызғымас ұстанымын растаған".

Тайпэйде Пелоси ел парламентінде болып, арал әкімшілігінің өкілдерімен кездесті. Ол сонымен қатар Тайвань президенті Цай Инвэнге аралға сапары АҚШ-тың Тайваньдан бас тартпайтынын анық көрсеткенін айтты.

Америкалық спикердің ұшағы қонған күні Қытай ауқымды жаттығуларды бастап, Тайвань айналасындағы әуе қозғалысын 7 тамызға дейін жапты.