Қырғызстан президенті Тәжікстанмен шекарадағы жағдайға қатысты мәлімдеме жасады

Қырғызстан президенті Садыр Жапаров ел азаматтарына Тәжікстанмен шекарадағы атыстан кейін араздық пен алауыздықты қоздырмауға шақырды, деп хабарлайды Stan.kz ақпарат агенттігі.

«Мен Қырғызстанның барлық тұрғындарын, ең алдымен саяси күштер мен бұқаралық ақпарат құралдарын сабырлық сақтауға, арандатушылыққа бой алдырмауға, араздық пен алауыздықты қоздырмауға шақырамын.

Біз әрдайым тәжік бауырларымызбен ортақ тіл табамыз және ежелгі жердегі тату көршілік мүдделер мен келісімді құрметтеп, ескергенде ғана барлық мәселелерді шешеміз. Жанжалды іштен тұтатқысы келетіндер қазір қауіпті.

Мен барлық ішкі саяси күштерді ел үшін осындай қиын сәтте өздерін ұстауға шақырамын», - деп жазды ел президенті Facebook-те.

24.kg ақпараттық агенттігінің хабарлауынша, Қырғызстанның күш құрылымдары Тәжікстан шекараға әскери техникасын тартып жатыр деп мәлімдеді. Жабдықтары бар бірнеше бейнероликтер әлеуметтік желілерде де таратылады. 

«Шиеленіс аймағына қосымша күштерді орналастырудың себептері жоқ. Тәжікстанда елдің солтүстігіндегі әскери бөлімдерде жеткілікті күштер мен құралдар бар және қазір қосымша күштер жинаудың қажеті жоқ», - деді агенттіктің сұхбатшысы.

Қырғызстан БАҚ-тарының хабарлауынша, оқиға 28 сәуірде Тәжікстан тарапы Баткен облысының Көк-Таш ауылындағы Головная су тарату пунктінің жанындағы электр бағанына бейнебақылау камераларын орнатуды бастағаннан кейін басталған. Жергілікті тұрғындар жабдықты алып тастауды талап етті. Ауызша қақтығыстан кейін тараптар бір-біріне тас лақтыра бастады.

Талқылау
Пікір
Қазір оқып жатыр
Çàãðóçêà...
Қазір оқып жатыр