"Заңдағы ұры" Қамшы Көлбаевқа тиесілі 720 пәтер мемлекет меншігіне қайтарылды
Қырғызстанда қылмыстық топ жетекшісі Қамчыбек Көлбаевқа тиесілі 2023 жылдың басынан бері құрылысы аяқталмаған 720 пәтер мемлекет меншігіне қайтарылды. Бұл туралы Stan.kz ақпарат агенттігі 24.kg басылымына сілтеме жасап хабарлайды.
Фото: svodka.akipress.org
Мемлекеттік мүлікті басқару жөніндегі мемлекеттік агенттік директорының бірінші орынбасары Медер Мәшиев олардың өз еркімен тапсырылғанын атап өтті. Сондай-ақ 38 жылжымайтын мүлік мемлекет меншігіне өткен. Олар ғимараттар мен жер телімдері, 15 үлес пен кәсіпкерлік субъектілерінің жарғылық капиталындағы үлестері, сондай-ақ 356 көлік құралдары.
"Бұл тәркіленген көліктер өз еркімен берілген және жобалар аяқталғаннан кейін халықаралық ұйымдардан алынған", – деді Медер Машиев.
Айта кетейік, бұған дейін Қырғызстанның Ұлттық қауіпсіздік мемлекеттік комитеті криминалдық авторитет Камчы Көлбаевтың (Камчыбек Асанбек) өлтірілгенін мәлімдеген еді. Кейіннен бұқаралық ақпарат құралдарында Қырғызстан билігі өлтірілген қылмыс жетекшісі Камчыбек Көлбаевты тергеу аясында оның активтерін Қазақстаннан қайтаруды көздеп отыр деген ақпарат тараған болатын.