Киевтегі тұрғын үйге зымыран құлады

Киевтің шетіндегі Жуляны әуежайы маңындағы тұрғын үйге зымыран құлады. Кадрлар әлеуметтік желілерде жарияланды, деп хабарлайды Stan.kz ақпарат агенттігі.

Украинаның Төтенше жағдайлар жөніндегі мемлекеттік қызметінің алдын-ала мәліметтері бойынша зардап шеккендер жоқ. Киев мэрі Виталий Кличко үйге төтенше жағдайлар қызметінің жеткенін айтты.

Кейбір мәліметтер бойынша, үйге екі зымыран түскен.

• Зеленский: Біз жалғыз қалдық, Еуропа Украинаға өте баяу көмектесіп жатыр


• "12 мың адам жинаған": Шешенстан басшысы Рамзан Қадыров Ресейге көмектесуге дайын екенін айтты

Украинаның Сыртқы істер министрі Дмитрий Кулеба оқиғаға түсініктеме беріп, Киев "Ресейдің құрлық күштері мен зымырандарының шабуылынан тағы бір түн аман қалды", – деді.

Қалада әуе дабылы жарияланды. Тұрғындардан баспаналарға жасырынуды сұрады.