Хабар-ошарсыз жоғалып кеткен КТК арнасының операторы үйіне оралды
Сегіз күн бойы хабарсыз – ошарсыз жоғалып кеткен 30 жастағы КТК арнасының қызметкері Олжас Белгібаев үйіне қайтып келді. Бұл туралы ҚазАқпарат хабарлады.
Алматы қаласы Ішкі істер департаменті де бұл ақпаратты растады. Бірақ олар жас жігіттің осы уақытқа дейін қайда болғанын және оның қазіргі жағдайы туралы ешқандай түсінік бермеді.
Естеріңізге сала кетейік, Алматы қаласының 30 жастағы тұрғыны Олжас Белгібаев 21 сәуір күні үйінен кетіп қалған. Ол туыстарына киноға баратындығын айтқан. Сол күні ол үйіне оралмаған. Жас жігітті іздестіруді Бостандық ауданы ІІД-нің жедел тобы жүргізді. Олжас Белгібаев КТК телеарнасының бағдарламалық қызмет көрсету операторы болып жұмыс істеді.
Тағы оқыңыз:
Назарбаев IELTS жанжалы туралы: Құдай ондай дәрігердің қолына түсуден сақтасын
Бұл Теміртаудағы шатыр болды: Назарбаев өзінің алғашқы жатақханасын есіне алды
Кім болса да, орнына қойыңдар: Назарбаев арандатушылар туралы әңгімеледі