Министр кейбір мамандықта оқитын студенттерді әскерден босатуды ұсынды
Еңбек және халықты әлеуметтік қорғау министрі Светлана Жақыпова Қазақстандағы техникалық мамандардың тапшылығын еңсерудің жолы ретінде оларды әскерден босатуды сұрады. Бұл туралы Stan.kz ақпарат агенттігі хабарлайды.
Фото: Аsker.kz
Сонымен қатар ол еліміздің колледждерінде сержанттар дайындауға болатынын жеткізді.
“Техникалық мамандықтар бойынша оқу орындарын бітірген адамдарды әскери борышын өтеуден босату туралы мәселені қарастыруды және колледждерде сержанттар құрамын даярлауға және әскери даярлықтан өтуге бағытталған әскери кафедралар ашуды ұсынамын”, – деді Светлана Жақыпова үкімет отырысында.
Ол сондай-ақ халықаралық келісімшарттар бойынша шетелде жұмыс істегісі келетін жастарға дайындық курстарын ұйымдастыру орталықтарын ашу жоспарлары туралы айтты. Мұндай орталықтар ШҚО, Түркістан және Алматы облыстарында ашылмақ.
Талқылау
Маңғыстауда тұрғындардың үйлерін, көшелерін қоңыз басты: Аумақтық инспекция жәндіктермен күресті халықтың өзіне қалдырды (видео)
Алайда тиісті органдар қоңыздармен тұрғындардың өзі күресуі керек екенін айтты
Биыл жазда шетелде демалу құны қанша? Вьетнам арзандап, ал Түркия қымбаттаған
Вьетнамға рейстер саны 3 есе артты