"Кенже балаңа асықтың ба?" Әнші Qanay-дың отбасы қара жамылды

Фото: https://www.instagram.com/qanay.913?

Qanay лақап атымен танымал әнші Нұрболат Қанайдың әкесі бақилық болды. Бұл туралы Stan.kz ақпарат агенттігі хабарлайды.

Қаралы хабарды өнер иесінің өзі әлеуметтік желідегі парақшасында жеткізді.

“Бұл 33 жас қайғылы жасым болды-ау. Кенже балаңа асықтың ба? Қолымнан келгеннің бәрін істедім, кешірші, әке”, – деп жазды ол.

Әнші әкесінің дүниеден өткенінен анасы әлі де бейхабар екенін жазды.

“Анашыма айтпай ауылға ұшырып жібергем ғой. Атырауға Құлсары жеткен соң хабар айтамыз деп шештік. Өзі әрең жүр еді”, – деп жазды ол.Айта кетейік, Нұрболат Қанай бұған дейін берген сұхбаттарының бірінде 2003 жылы дүниеге келген інісінен айырылып қалғанын айтып, сол қасіретті күндерді еске алған еді.

Еске салайық, әнші Qanay-дың сұхбаты көптің ашуын тудырғаны хабарланған еді.