Қажылыққа анасын арқалап барған жігіт жұртты сүйсіндірді (видео)

“Жігіттер” тобының әншісі Ердос Қанаев анасын арқалап жүріп қажылық парызын орындаған мұсылман азаматты көрсетті.

Қасиетті Рамазан айында қажылық парызын өтеген Ердос Қанаев анасын арқалап жүрген азаматты көріп сүйсінді. Оның әрекетін өзгеге үлгі болуы үшін видеоға түсіріп жариялады.

“Мына азамат анасын арқалап парызын орындап жүр. Бізге де осындай ұрпақтар нәсіп етсін. Машалла. Алла ұлық”, – деп бірнеше рет қайталады әнші.

Желі қолданушылары анасын арқалаған мұсылманға ыстық ықыласын білдіріп, алғысын айтуда.

“Қажылық қабыл болсын!!! Адал перзент, анасының ақ сүтін ақтау үшін жасалған ниеті қабыл болсын!”, – деп жазады желі қолданушысы.

Ислам дінінің 5 парызының бірі мұсылмандар үшін қажылыққа бару. Хадистерде қажылығын өтеген адамның барлық күнәсі кешірілетіні айтылған.

Дінімізде ананы қадірлеуге үйретеді. “Анаңды Меккеге үш рет арқалап апарсаң да қарызынан құтылмайсың” дей отырып ананың рөлі зор екенін айқындап айтқан.

Тағы да оқыңыз:

Мәскеуде анасын арқалаған жігіт әлеуметтік желі қолданушыларының ықыласына бөленді

Ата-анасы сәбиін өлтірген қылмыскерді кешіріп қана қоймай оны қажылыққа аттандырған

Қажылығын өтеп жүрген келіншектің толғағы басталып Меккеде сәбиін өмірге әкелді