Қазақстанның тағы бір боксшысы лицензиялық турнирде жеңілді
Бокстан әйелдер құрамасының мүшесі Наталья Богданова Таиландтағы әлемдік лицензиялық турнирдің алғашқы айналымында сүрінді. Бұл туралы Stan.kz ақпарат агенттігі хабарлайды.
Фото: ҰОК
Наталья Богданова Париж олимпиадасына жолдама беретін лицензиялық турнирде жеңілді. Таиланд астанасы Бангкокте өтіп жатқан әлемдік лицензиялық турнирде отандасымыз 66 келіде сербиялық Кристина Кулуховаға қарсы жұдырықтасып, 2:3 есебімен жеңіліп қалды. Осылайша, Богданова Олимпиада квотасын еншілей алмаған екінші боксшы атанып отыр.
Айта кетейік, бұған дейін 54 келіде сынға түскен Ұлжан Сәрсенбек алғашқы жекпе-жегінде америкалық боксшыға жеңіліп қалғанын жазған едік.
Талқылау