AAPL
143.78 $
2.32 %
TSLA
707.73 $
7.43 %
NDAQ
150.93 $
2.33 %
GOOGL
2155.85 $
1.88 %
FRHC
41.25 $
2.79 %
AAPL
143.78 $
2.32 %
TSLA
707.73 $
7.43 %
NDAQ
150.93 $
2.33 %
GOOGL
2155.85 $
1.88 %
FRHC
41.25 $
2.79 %
Соңғы жаңалықтар
Соңғы жаңалықтар

Қазақстандықтарға арналған 5 пайыздық ипотекалық бағдарлама іске қосылады

Енді баспанасыз жүрген қазақстандықтарға 5 пайызбен ипотека беру бағдарламасы іске қосылмақ. Алайда бұл тек моноқалалардың тұрғындарына қатысты. Президент Қасым-Жомарт Тоқаев Үкіметке бастапқы жарна 10 пайыз, жылдық ставкасы 5 пайыздан аспайтын жеңілдетілген ипотека беруді тапсырған. Қазір жауаптылар бағдарламаның барлық шартын дайындап жатыр. Жеңілдетілген ипотека іске асса онсыз да жыл сайын қымбаттап келе жатқан тұрғын үйдің бағасы тағы да көтерілуі мүмкін, дейді мамандар. Бұл туралы Stan.kz ақпарат агенттігі Информбюро жаңалықтар қызметіне сілтеме беріп хабарлайды.

Отбасы банкін басқарушы Бәйтерек холдингінің мәліметінше алғашқы жарна 10 пайыз, жылдық ставкасы 5 пайыздан көп болмайды. Несие 20 жылға дейін беріледі. Қазір мамандар ипотеканың шарттары мен параметрлерін мемлекеттік мекемелермен келісіп жатыр. Бір анығы жыл сайын жеңілдетілген ипотекаға 11 миллиард теңге бөлу жоспарланып отыр. Сегіз жылдан бері үй сатумен айналысып келе жатқан Руслан Тұрысбеков бұл бағдарлама іске асатын болса тұрғын үй нарығында қымбатшылық болады дейді. Мысалы, былтыр 18 миллионнан сатылған бір бөлмелі пәтерлер 23 миллионға дейін барады.

“Былтырғы 18 млн тұратын үйлер 22-23 млн-ға дейін шарықтайды. Неліктен? Өйткені сұраныс көп болған сайын әрине бұл сұраныстың есебінен пәтер иелері оларды қымбаттау сатады. Астана, Алматы және Шымкент қалалары ғана емес қой. Бұл жерде моноқалалардың ішінде салып соның ішінде берсе әрине сол жақсы еді”, – дейді риэлторлық компанияның директоры Руслан Тұрысбеков.

Алайда кейбір сарапшылар бұл пікірмен келіспейді. Айта кетейік, Krisha.kz сарапшыларының мәліметінше қазірдің өзінде барлық қалада тұрғын үй қымбаттаған. Мысалы, Ақтауда былтыр 7-8 миллионға бағаланған баспана қазір 11 миллион. Баға 41-пайызға көтерілген. Ақтөбе мен Қызылордада 35 пайызға, яғни бір жылда 2-2,5 миллион теңге қосылған. Алматы да осы шамалас: 1 бөлмелі пәтер былтыр 17 миллионнан сатылса қазір 23 миллион сұрап тұр.

Екі бөлмелілер 32, үш бөлмелілер 41 миллионға жеткен. Қостанайда 10 миллион теңгеге бағаланған пәтерлер қазір 13 миллионға көтерілген. Барлық қалада осыған ұқсас баға. Тек, Көкшетау мен Петропавлде ғана пәтер бағасы 15 пайызға көтерілген.

Ал, жаңадан іске қосылатын жеңілдетілген ипотекалық бағдарлама Қазақстандағы 26 моноқаланың тек дамуы төмен деген он қаланың тұрғындарына ғана қатысты. Ол қалалар: Алтай, Курчатов, Серебрянск, Қаратау, Қаражал, Арқалық, Жітіқара, Жаңаөзен, Құлсары мен Ақсай қаласы.

Талқылау
Пікір
Қазір оқып жатыр
Қазір оқып жатыр