Хабарламада айтылғандай, жәрдемақы ала алмағандар аудандық және қалалық штабқа қайта жүгіне алады. Сізде өзіңізбен бірге төтенше жағдай кезінде енгізілген шектеулерге байланысты кірісті жоғалту фактісін растайтын құжаттарыңыз болуы керек.

Біз, мәселен, екі немесе одан да көп жұмыс орнында жұмыс істеген және өтініште тек бір жұмыс орнында табысынын айырылғанын көрсеткен, бірақ іс жүзінде барлық кірісін жоғалтқандар туралы айтып отырмыз.

Қолданыстағы ережелерге сәйкес азаматтардың келесі санаттарына 42 500 теңге төлем тағайындалады:

- жеке кәсіпкерлер мен шағын және орта кәсіпорындардың қызметкерлері жалақысыз демалысқа кетсе;

- карантин енгізілген елді мекендерде жұмыс істейтін ірі кәсіпкерлік субъектілерінің қызметкерлері ақы төленбейтін демалысқа шықса;

- коммерциялық емес заңды тұлғалардың қызметкерлері мемлекеттік төлемдерден басқа ақысыз демалысқа кетсе;

- жеке практикамен айналысатын адамдар (нотариус, жеке сот орындаушысы, адвокат, кәсіби медиатор);

- Қазақстан Республикасы Салық кодексінің 774-бабына сәйкес БЖТ төлеушісі саналатын жеке тұлғаларға;

- нысанасы жұмыстарды орындау (қызметтер көрсету) болып табылатын азаматтық-құқықтық сипаттағы (бұдан әрі – АҚС) шарттар бойынша табыс табатын, салық агенттері олар үшін міндетті зейнетақы жарналарын аударған адамдар.

1) және 2) тармақшалардың жарғылық капиталында акциялар мен қатысу үлесі тікелей немесе жанама түрде мемлекетке тиесілі заңды тұлғалардың, екінші деңгейлі банктердің, банк операцияларының жекелеген түрлерін жүргізетін ұйымдардың қызметкерлеріне қатысы жоқ.

42500 теңгеге байланысты шағымды қайда жолдауға болады

"5-10-20" бойынша тұрғын үй сатып алу шарттары белгілі болды

Бұл нақтылау жоғарыда аталған ұйымдардың төтенше жағдай кезінде қызметін жүзеге асырғанына негізделген.

Қағидалардың бұдан бұрын қолданыста болған нормалары бойынша Төтенше жағдай кезінде табыстан айырылуға байланысты МӘСҚ-тан төлем тағайындалмайтын санаттар өзгеріссіз қалды. Оларға:

- Төтенше жағдай енгізілген уақытқа дейін 12 ай ішінде міндетті әлеуметтік сақтандыру жүйесіне қатысуының бір де бір ай өтілі жоқ адамдар, ал БЖТ төлеушілер үшін – өтініш бергенге дейін;

- Төтенше жағдай енгізілген уақытқа дейін 12 ай ішінде жинақтаушы зейнетақы жүйесіне қатысуының бір де бір ай өтілі жоқ АҚС шарттар бойынша кіріс алатын жеке тұлғалар;

- кәсіпкерлік қызметті қоса алғанда, екі немесе одан да көп жұмысты қоса атқаратын, еңбек немесе кәсіпкерлік қызметті (оның ішінде қашықтан) жалғастырған немесе ақылы еңбек демалысы берілген немесе жұмыс орындарының бірінде тоқтап тұру болған адамдар;

- Төтенше жағдай енгізілгеннен кейін БЖТ алғаш рет төлеген, сондай-ақ бір мезгілде республикалық бюджеттен төленетін ай сайынғы зейнетақы төлемдері мен мемлекеттік жәрдемақыларды немесе қордан (МӘСҚ) төленетін әлеуметтік төлемдерді алушылар болып табылатын тұлғалар; -

Қазақстан Республикасынан тыс жерге тұрақты тұруға кетуіне байланысты ішкі істер органдарында тіркеуден шығарылған адамдар. Өтініш берушілер ұсынған мәліметтерді ақпараттық жүйелер арқылы тексеру кезінде толық мемлекеттің қамсыздандыруындағы азаматтар «42 500 теңге» төлеміне өтініш бергені анықталып, әлеуметтік төлем төленбейтін азаматтардың санаты келесі азаматтармен толықтырылды:

- толық мемлекеттің қамсыздандыруындағы қылмыстық-атқару жүйесінің мекемелеріндегі адамдар.

Атап өтерлік жайт, «42 500 теңге» әлеуметтік төлемін тағайындауға 2020 жылғы 11 мамыр күні сағат 18:00-ге дейін келіп түскен өтінімдер белгіленген тәртіппен қаралатын болады және Қағидаларда көрсетілген шарттарға сәйкес келген жағдайда, әлеуметтік төлем тағайындалады және төленеді.

Талқылау