Қазақстандықтардың жүргізуші куәлігі үшін тапсыратын емтиханнан құлауы жиілеп кеткен
"Азаматтарға арналған үкімет" мемлекеттік корпорациясының төрағасы Арман Кенжеғалиев жүргізуші куәлігін алу үшін теориялық емтиханды сәтті тапсырғандар саны үш есеге азайғанын айтты. Бұл жөнінде Stan.kz ақпарат агенттігі хабарлайды.
Үкімет отырысында Кенжеғалиев жүргізуші куәлігін беру үдерісінде сыбайлас жемқорлық тәуекелдері жиі кездесетінін айтты. Оның сөзінше, биылғы жылдың тоғыз айында 1,3 млн жүргізуші куәлігі берілген.
"Азаматтарға арналған үкімет" мемлекеттік корпорациясы басшысы ашықтықты қамтамасыз ету үшін теориялық емтихан тапсыру процесі қайта қаралғанын жеткізді.
“Ағымдағы жылдың 16 қазанынан бастап жол қозғалысы ережелері 3.0 жаңартылған ақпараттық жүйесінде теориялық емтихан тапсырылды. Енді теорияны тапсыру үшін биометриядан өту қажет, бүкіл процесс аудио-бейне жазбамен сүйемелденіп, автоматтандырылған тексеру жүйесі енгізілді. Жүргізуші куәлігін алуға өтінімдерді қалыптастыру кезіндегі барлық ақпарат ақпараттық жүйелерден алынады”, – деді Кенжеғалиев.
- Қазақстанда жүргізуші куәлігін алу үшін онлайн және қашықтықтан оқыту форматы тоқтатылады
- Қазақстанда жүргізуші куәлігіне емтихан тапсыру ережелері өзгерді
Сонымен қатар ол YouTube арнасында және арнайы халыққа қызмет көрсету орталықтарының күту залдарында емтихан барысы туралы онлайн трансляция жүргізіліп келетінін жеткізді.
“Жаңашылдықтардың арқасында теориялық емтиханды үздік тапсыратындардың орташа саны үш есеге азайды. Әрбір факті бойынша шаралар қабылданды: емтихан нәтижелері жойылды, тартылған қызметкерлер жауапкершілікке тартылды, тиісті материалдар заңнамада белгіленген тәртіппен шаралар қабылдау үшін уәкілетті органдарға жіберілді”, – деп қосты Арман Кенжеғалиев.