Қазақстандық спортшы құзға өрмелеуден Париж олимпиадасына жолдама иеленді
Қазақстан құрамасы спорттық құзға өрмелеуден Париж олимпиадасының жолдамасына ие болды. Бұл туралы Stan.kz ақпарат агенттігі хабарлайды.
Спорттық құзға өрмелеу спортынан Қазақстан құрамасының мүшесі Әмір Маймұратов Будапештте өткен іріктеу турнирінде сәтті өнер көрсетіп, олимпиада ойындарының жолдамасын жеңіп алды. Отандасымыз жылдамдық бойынша финалға жетіп, ақтық сында тек қытайлық У Пэнге есе жіберді.
Осылайша екі іріктеу кезеңінің қорытындысы бойынша алғашқы жетілікке енген спортшылар олимпиадаға жолдама иеленеді. Ал отандасымыз жалпы есепте үшінші орын иеленіп, олимпиадаға қатысу мүмкіндігіне ие болды.
Айта кетейік, бұған дейін қазақстандық Амир Закиров олимпиада ойындарына алғаш рет енген брейкингтен лицензияға ие болғанын жазған едік.
Еміне 1,5 миллиард теңге қажет: Қазақстандық 7 жасар баланың бұлшықеттері әлсізденіп, жүруі қиындаған
Дәрігерлер қателесіп, 4 ай бойы баланы бауыр фиброзынан емдеген
Қазақстан әйелдерінің үйдегі тегін еңбегінің құны қанша: Есептеп көрдік
Оқырман: "Әйелдер де күнделікті тұрмыстан шаршайды, кейде демалып алғысы келеді"