Қазақстандық компания АҚШ сауда министрлігінің шектеу тізіміне қосылды
Қазақстандық компания АҚШ-тың сыртқы саясаты мен ұлттық қауіпсіздігінің мүдделеріне қайшы келетін компаниялар мен ұйымдар тізіміне енген. Ұлттық экономика министрлігі осы жағдайға қатысты мәлімдеме жасады. Бұл туралы Stan.kz ақпарат агенттігі хабарлайды.
7 желтоқсанда "Elem group" ЖШС АҚШ Сауда министрлігінің өнеркәсіп және қауіпсіздік бюросының субъектілер тізіміне енгізілді.
“2023 жылдың мамыр айынан бастап "Elem group" ЖШС сыртқы сауда қызметін жүргізбеген. Бұдан былай АҚШ жеткізушілері америкалық тауарларды арнайы лицензиясыз тізімдегі компанияларға жібере алмайды. АҚШ сауда министрлігінің шектеуіне кірген компаниялар америкалық контрагенттерсіз жұмысын жалғастыра алады", – деп атап өтті министрлік.
Бұл тізімде Германия, Жапония, Бельгия және Ұлыбритания сияқты дамыған елдердің кәсіпорындары да бар.
"Бұл екінші реттік санкциялар емес, яғни АҚШ-тың сыртқы активтерді бақылау департаментінің (SDN тізімі) блоктау тізіміне кірмейтінін ескеру маңызды", – деп атап өтті ұлттық экономика министрлігі.
"Elem group" ЖШС электронды бөлшекте, жинақтауыштар, өнеркәсіптік жабдықтар және қосалқы бөлшектер логистика саласында жұмыс істейді. Аталған ЖШС Финляндияда, Германияда, Қытайда және Түркияда өзінің шоғырландырылған қоймалары бар.