Қазақстандық әкім TikTok-қа түсіп, танымал әуенге биледі

Қарағанды облысы Жаңаарқа ауданы Жәйрем кентінің әкімі Аманқазы Нәукенов қарамағындағы адамдармен TikTok-та танымал әнге билеп, сөгіс алды, деп хабарлайды Stan.kz ақпарат агенттігі. 

әкім

Би флешмобына "Жайремский го" АҚ кәсіподақ комитетінің төрағасы, Жәйрем кентінің мәдени-демалыс орталығының директоры және осы ұйымның бірнеше қызметкерлері қатысты. Олар мәдениет және өнер қызметкерлері күнін мерекелеуге орай видео түсіруді ұйғарыпты.

Ролик әлеуметтік желілерде таралып, көптеген жағымды пікірлер жазылды.

Алайда, видео бұқаралық шаралар өткізуге тыйым салу кезінде түсірілгендіктен, ауыл әкіміне қатысты тәртіптік іс қозғалды.

"26 мамырдағы қызметтік тексеру қорытындысы бойынша тәртіптік комиссияның ұсынысы бойынша Қаражал қаласы әкімінің 2020 жылғы 26 мамырдағы № 2 ж-67/1 өкімімен Жәйрем кентінің әкімі А.Нәукеновке қызметке толық сәйкес еместігі туралы ескерту түріндегі тәртіптік жаза қолданылды", - деп хабарлады аймақтың баспасөз қызметі

Енді жергілікті билік органдары Қазақстанның әкімшілік құқық бұзушылық туралы кодексі аясында тиісті шаралар қабылдап жатыр.

 

 
 
 
 
 
 
 
 
 
 
 
 
 
 
 

A post shared by Хасенов Малик (@malik_khassenov) on

Талқылау
Пікір
Қазір оқып жатыр
Çàãðóçêà...
Қазір оқып жатыр