Қазақстанда жоғары оқу орындарына құжат қабылдау 20 маусымда басталады

Фото: freepik.com

Ғылым және жоғары білім министрлігі талапкерлерге арналған күнтізбені ұсынды. Бұл туралы Stan.kz ақпарат агнеттігі хабарлайды.

Министрлік өкілдері негізгі ҰБТ 16 мамыр-7 шілде аралығында өтетінін еске салды.

Бұдан бөлек, министрліктің хабарлауынша,

• ЖОО-ға құжаттарды қабылдау 20 маусым – 25 тамыз;
• "Педагогикалық ғылымдар" және "Денсаулық сақтау" мамандықтарына түсушілер үшін арнайы емтихандар 20 маусым – 20 тамыз аралығында (конкурсқа қатысу үшін 20 шілдеге дейін өткізіледі);
• Шығармашылық емтихандарға қатысу үшін өтініштер 20 маусым – 10 тамыз (конкурсқа қатысу үшін 7 шілдеге дейін) аралығында қабылданады;
• Шығармашылық емтихандар 7 шілде – 15 тамыз (конкурсқа қатысу үшін 20 шілдеге дейін) аралығында өтеді;
• Білім беру гранттары конкурсына қатысуға өтініштер 13 шілде – 20 шілде аралығында қабылданады;
• Грант иегерлерінің тізімі 10 тамызға дейін жарияланады.

Қосымша ақпаратты жоғары оқ орындарының ресми парақшалары мен сайттарынан білуге болады.