Қазақстанда төлем карталары бойынша ақша аудару ережелері күшейтіледі
Ұлттық банк 23 қазандағы қаулы бойынша төлем карточкаларын шығару қағидаларына, сондай-ақ оларды пайдаланып, операцияларға қызмет көрсету жөніндегі қызметке қойылатын талаптарға өзгерістер енгізді. Бұл туралы Stan.kz ақпарат агенттігі хабарлайды.
Енді банктер үшінші тұлғаның пайдасына төлем карточкасын пайдалана отырып ақша аудару бойынша төлем қызметтерін көрсеткенге дейін тұлғаны хабардар етуі тиіс:
- Үшінші тұлғалардың алаяқтық әрекеттеріне байланысты тәуекелдер болуы мүмкін;
- Үшінші тұлғалардың, оның ішінде мемлекеттік, құқық қорғау органдарының немесе банктердің қызметкерлері ұсынатын адамдардың ықпалымен ақша аударуды жүзеге асыратын тәуекелдер;
- Ақша алушының бастамасы немесе сот шешімі бойынша операцияны жою және ақшаны қайтару мүмкіндіктері.
Микроқаржы ұйымдары төлем карточкаларына микронесие беру кезінде қарыз алушыға кредит сомасы аударылатын жеке арнайы корпоративтік төлем карточкасын пайдалануды қамтамасыз етеді.
Микронесиелік ұйым қарыз алушыға берілген микронесие туралы ақпаратты, ақшаның оның банктік шотына түскені туралы хабардар етеді.
Сондай-ақ электронды банктік қызмет көрсету кезінде банк рұқсат етілмеген төлемдер мен ақша аударымдарына қарсы іс-қимыл процесін автоматтандыратын жүйелерді қолданатыны айтылады.
Қаулы 2024 жылы 1 қаңтардан бастап қолданысқа енгізіледі.
Талқылау
Үлескерлерге қатысты заң өзгереді, Трамптың 25%-дық баж салығы күшіне енеді: Қазақстанда 1 тамыздан бастап не өзгереді
1 тамыздан бастап үлескерлерге салынып жатқан ғимараттардағы тұрғын үй үшін қолма-қол ақша төлеуге тыйым салынады
“Келіндік міндетім жоқ, үй шаруасын 5 қызметші атқарады”: Үнді жігітіне тұрмысқа шыққан қазақ қызы ерекше өткен тойы мен салты туралы айтып берді
Айгерім: “Келіндік міндетім жоқ, үй шаруасын 5 қызметші атқарады”