Қазақстанда шай бағасы 18%-ға өсті

Қазақстанда қара шай 18,3%-ға қымбаттады, деп хабарлайды Stan.kz ақпарат агенттігі “Хабар 24” арнасына сілтеме беріп.

Елімізде орташа есеппен бір килограмм шай шамамен 4500 теңге тұрады.

Шай Астана, Қызылорда, Шымкент, Алматы және Ақтау тұрғындарына қымбатқа түседі.

Өнімнің ең төменгі бағасы Жезқазғанда байқалды, мұнда килограмы 3 943 теңгеге сатылады.

Негізінен танымал сусын Қытайдан, Үндістаннан, Ираннан, Шри-Ланкадан, Пәкістаннан, Түркиядан және Кениядан импортталады.

Ұлттық статистика бюросының мәліметінше, қазақстандықтар айына 127 грамм шай тұтынады.