Қазақстанда қолма-қол ақша айналымы 18%-ға дейін төмендеді

Жыл басынан бері қаражаттың тек 18%-ы ғана қолма-қол ақшаға айналды, қалған 82%-ы қолма-қол ақшасыз болды, деп хабарлайды Stan.kz ақпарат агенттігі Ranking.kz сайтына сілтеме беріп.

2022 жылдың үш тоқсанында Қазақстанда төлем карталарынан 16 триллион теңге алынды, бұл 2021 жылмен салыстырғанда бір триллион теңгеге артық. Бір жылдағы өсім 6,9%-ға жетті. Қазақстандық және шетелдік эмитенттер шығарған төлем карталарын пайдалана отырып, ҚР аумағында ақшаны қолма-қол ақшаға айналдыру көлемі бес жылда 2,1 есеге, ал онжылдықта бірден 4,7 есеге өсті.

Алты жыл бұрын төлем карталары бойынша қаражаттың жалпы айналымынан қолма-қол ақшаның үлесі 87-90% аралығында өзгерді, алайда бес жыл бұрын бұл көрсеткіш 82,1%-ға дейін, бір жыл бұрын 23,2%-ға дейін төмендеді.  Ал 2022 жылғы қаңтар-қыркүйекте үлес 18,3%-ға тең.

Төлем карталарындағы ақшаның едәуір бөлігі банкоматтар арқылы қолма-қол ақшаға айналады. Мәселен, қаңтар-қыркүйек айларында терминалдар арқылы 14,3 триллион теңге алынды. Өткен жылмен салыстырғанда 8,7%-ға артық.

ҚР өңірлерінің ішінде қолма-қол ақша берудің ең үлкен көлемі Алматыға тиесілі, ол 3,8 триллион теңгеге жетті. Одан кейін Астана мен Шымкент: тиісінше 1,9 триллион және бір триллион теңгеге тең. Қолма-қол ақшаның едәуір көлемі Қарағанды және Ұлытау облыстарында, онда 1,2 триллион теңге болады.

Қаражатты қолма-қол ақшаға айналдыру бойынша бір транзакцияның ең үлкен орташа чектері Астана мен Алматыда да тіркелді. Астанада 107,6 мың болса, Алматыда 106,1 мың теңге болады. Еңтөменгі орташа ек Солтүстік Қазақстан облысындағы байқалды, онда 62,5 мың теңгеге тең.