Қазақстанда дәрі-дәрмектерді тексеру жеңілдетіледі
ҚР Денсаулық сақтау министрлігі дәрі-дәрмектер мен медициналық мақсаттағы бұйымдарға сараптама жүргізуді жеңілдетуге ниетті. Бұл туралы дәрі-дәрмектер мен медициналық мақсаттағы бұйымдарды сараптау ережесіне толықтырулар енгізу туралы бұйрық жобасында айтылған, деп хабарлайды Stan.kz ақпарат агенттігі.
"Дәрі-дәрмектерге сараптама жасау заңына бірқатар өзгертулер енгізілді. Бұл шешім эпидемияға қарсы санитарлық-профилактикалық іс-шаралар, соның ішінде карантин енгізуге байланысты шықты. Осы жағдайды ескере отырып, тексеру кезінде сараптама жұмыстары өндіріс пен зертхананың жағдайын бағаламай аяқталатын болады. Яғни дәрі-дәрмекті тексеру жеңілдетілетін болады", - деп хабарлады министрліктің баспасөз қызметі.
Осыған ұқсас тармақ медициналық мақсаттағы бұйымдарды сараптау ережесімен толықтырылды.
Жақында өзгеріске қол қойылады деп күтілуде.
Талқылау
