Қазақстанда дәмхана мен мейрамханаларда баға тағы 10%-ға өседі
Елімізде мейрамхана мен дәмхана иелері азық-түліктің қымбаттауына байланысты бағаны тағы өсірмекші. Ал Ұлттық статистика бюросының деректеріне сүйенсек елде қоғамдық тамақтану орындарындағы баға бір жылда 25%-ға көтеріліпті деп хабарлайды Stan.kz ақпарат агенттігі КТК арнасына сілтеме жасап.
Дәмхана мен мейрамхана иелері қызметкерлердің жалақысын көтеру керек екенін айтады. Бұл да қызмет көрсету құнының өсуіне әсер еткен.
"Негізгі шығындар азық-түлік сатып алу, қызметкерлердің жалақысы мен ғимаратты жалға алу, коммуналдық қызмет төлемдері. Әрине, қазір азық-түлік кем дегенде 30-50%-ға қымбаттаған. Оның үстіне мәзірдегі әр тағамға ет қосылады", – деді Қоғамдық тамақтану ассоциациясының құрылтайшысы Сұлушаш Тұяқова.
Оның пайымдауынша, инфляция деңгейін есепке ала отырып қоғамдық тамақтану орындарында баға тағы 10%-ға өседі.
Еске салайық, бұған дейін мемлекет басшысы Қасым-Жомарт Тоқаев елдің әлеуметтік-экономикалық дамуы жөніндегі кеңесте халықтың ай сайын жұмсайтын қаржысының жартысынан көбі азық-түлікке кететінін айтқан еді.
Талқылау
Үй алудың жаңа мүмкіндіктері: Алдағы уақытта қандай тұрғын үй бағдарламалары іске қосылады
Айта кетейік, қараша айында "Наурыз" және "Наурыз Жұмыскер" бағдарламалары бойынша өтініш қабылдау қайта басталады
"Жастар практикасы" арқылы жұмыс таптым": Қазақстандық колледж түлегі кілем фабрикасында еңбек жолын қалай бастағанын айтып берді
Бағдарламаға қатысушылардың басым бөлігі қыздар екен